Türkyənin Hakkari vilayətində Qurani-Kərimi işarə dili ilə başdan sona qədər oxuyan eşitmə məhdudiyyətli uşaqlar ümrə ziyarətinə göndərilib. Bu barədə məlumatı “Anadolu” agentliyi yayıb.
Məlumatda bildirilir ki, eşitmə məhdudiyyətli 7 uşaq 4 il əvvəl vilayət müftülüyü tərəfindən Mərkəz Bələdiyyə məscidində təşkil edilən kurslarda iştirak etməyə başlayıblar. Uşaqlar həmin kurslarda dini bilikləri və işarə dili ilə Quran oxumağı öyrəniblər. Məscidin din xadimi Yasin Aşkan əlil uşaqlara könüllü olaraq işarə dili ilə Quran oxumağı, həmçinin Həzrəti Muhammədin (SAV) həyatını və dini bilikləri öyrədib.
İşarə dili ilə oxumağı öyrəndikdən sonra Qurani-Kərimi başdan sona qədər oxuyan eşitmə məhdudiyyətli 5 tələbə isə Türkiyənin dini komitəsi “Diyanət”in dəstəyi ilə ümrə ziyarətinə göndəriliblər.
