Kovid-19 virusu səbəbilə karantin rejimində internetlə İslam dinini araşdıran meksikalı Hektor Bonilla müsəlmanlığı qəbul edib.
Məlumata görə paytaxt Mexiko Sitidə yaşayan Bonilla, internetdə İslam dinini araşdırarkən “İnsana Dəyər Verən Dərnəklər Federasiyası”nın (İDDEF) Meksika nümayəndəsi Osman Reyes Salkedonun videoları ilə qarşılaşıb. Reyes ilə internetdə əlaqə yaradan Bonilla, ondan İslam dini barədə kitablar istəyib və onun həftəlik söhbətlərində iştirak edib. İDDEF nümayəndəsi poçt vasitəsilə meksikalı gəncə islami kitablar göndərib.
İslam dinini ətraflı araşdıran Hektor Bonilla daha sonra canlı bağlantıda kəlimeyi-şəhadət gətirərək müsəlman olub.
