Yunanıstanın paytaxtı Afinanın yaxınlığında olan “Andalusia” (Əndülüs) məscidi ölkə rəsmiləri tərəfindən qapadılıb. Məscidin qapısının möhürlənməsi məbəddə ibadət edən möminlərin göz yaşları ilə müşayiət olunub.
Yunanıstan Müsəlmanları dərnəyinin sədri Naim əl-Qadir, 32 ildir fəaliyyət göstərən məscidin səbəbsiz yerə qapadıldığını deyib. Məscidin bağlanması üçün dəqiq bir açıqlama verilmədiyini deyən dərnək başqanı, Afinada rəsmi bir məscid olmadığı üçün burada çüsəlmanların çıxılmaz vəziyyətdə olduğunu bildirib. Naim əl-Qadir, Avropada məscid olmayan yeganə paytaxtın Afina olduğunu vurğulayıb.
