Avstriyanın Konstitusiya məhkəməsi ibtidai sinif şagirdlərinin hicab geyinməsini yasaqlayan qərarı ləğv edib. Bu barədə məhkəmənin sədri Kristof Qrabenverter açıqlama verib.
Sədr bu cür qərarların, müsəlman şagirdləri təhsildə ayrı-seçkiliyə məruz qoyacağını, müsəlman qız şagirdlərin təhsil imkanlarının məhdudlaşdırılması təhlükəsini yarada biləcəyini deyib.
“Təhsil sistemində sadəcə müsəlmanlara aid geyimin yasaqlanması, bir qrupun cəmiyyətdə damğalanmasına səbəb ola bilər. dini geyim təhsildə əsla problem yaratmaz.” – deyə Konstitusiya məhkəməsinin sədri vurğulayıb.
Qeyd edək ki, 2019-cu ildə hökumət ibtidai məktəblərdə müsəlman şagirdlərin hicab geyinməsinə qadağa qoymuşdu.
