Azərbaycanda səfərdə olan və president İlham Əliyev tərəfindən qəbul edilən Türkiyənin “Baykar” şirkətinin texniki direktoru Selçuk Bayraktar social şəbəkədə bu barədə paylaşım edib.
“Atam Özdemir Bayraktar və qardaşım Haluk Bayraktar ilə birlikdə Azərbaycan prezidenti cənab İlham Əliyev tərəfindən “Qarabağ” ordeni ilə təltif edilməyimiz böyük qürur və şərəfdir.
#TəkMillətİkiDövlətin ortaq gələcəyi üçün işləməyə davam edəcəyik.” – deyə Səlcuq Bayraktar paylaşımında qeyd edib.
Qeyd edək ki, prezident İlham Əliyev A zərbaycanla Türkiyə arasında qardaşlıq əlaqələrinin gücləndirilməsinə, əməkdaşlığın inkişafına, Azərbaycan Respublikasının ərazi bütövlüyünün və suverenliyinin təmin olunması istiqamətindəki haqq işinə verdiyi töhfəyə görə Selçuk Bayraktarın “Qarabağ” ordeni ilə təltif edildiyini bildirdi və ordeni Selçuk Bayraktara təqdim etdi.
