“Apardığımız məsləhətləşmələr nəticəsində təravih namazlarının evdə qılınmasının daha uyğun olacağına qərar verdik.”
İslamveirfan.com xəbər verir ki, bu sözləri Türkiyənin dini komitəsi Diyanətin sədri Əli Erbaş “2021-ci il ramazana dair iclas”dan sonra açıqlamasında deyib.
“Aparılan hər tərəfli dəyərləndirmələr və başda Sahiyyə Nazirliyi olmaqla dövlət rəsmiləri ilə edilən məsləhətləşmələr nəticəsində bu şəraitdə təravih namazlarımızın məscidlərdə yox, evdə qılmağımızın daha müvafiq olduğuna qərar verdik. Əlbəttə çox istəyirdik ki, namazlar məsciddə qılınsın və təravih coşğusunu uşaqlarımızla birlikdə yaşayaq. Amma yoluxucu xəstəlik təhlükəsi, təravih namazının uzun müddət qapalı yerdə qılınması zərurəti və xəstəliyin əlamətinin o dəqiqə görülməməsi kimi səbəblərlə təravih namazlarımızı evdə qılacağıq. Bu cür açıqlama mənim üçün çətindir, amma sağlamlığın qeydinə qalmaq da çox önəmlidir.” – deyə Əli Erbaş bildirib.
Diyanət sədri, pandemiyanın ölkədəki vəziyyətinə görə məsidlərdə təravih namazı qılmaq mümkün olarsa bu barədə ictimaiyyətə əlavə məlumat veriləcəyini deyib.
Yaptığımız çok yönlü değerlendirmeler ve sağlık bakanlığımız başta olmak üzere devletimizin yetkili organlarıyla yaptığımız istişareler neticesinde mevcut şartlarda teravih namazını camilerde değil evlerimizde kılmanın daha uygun olduğuna karar verdik.pic.twitter.com/ez58BS6xbX
— Prof. Dr. Ali Erbaş (@DIBAliErbas) April 6, 2021
