Kovid-19 peyvəndi vurdurmamış, “Tawakkalna”və “Eatmarna” adlı dövlət portalından qeydiyyatdan keçməmiş Məscidi-Haramı ümrə və namaz üçün ziyarət edənlər cərimə olunacaq.
Bu barədə Səudiyyə Ərəbistanının Daxili İşlər Nazirliyi bəyanat yayıb. Bəyanatda bildirilir ki, ramazan ayı müddətində Məscidi-Harama ümrə üçün iznsiz gələnlər 10 min riyal (təqribən 4 530 azn), namaz üçün gələnlər min riyal (453 azn) cərimə olunacaqlar. Bəyanatda həmçinin, bu qərarın ramazan ayından sonra da növbəti açıqlamaya qədər qüvvədə olacağı qeyd edilib.
