Almaniyanın Vuppertal şəhərində “Diyanet İşleri Türk İslam Birliyi”nə (DİTİB) bağlı Mərkəz məscidində cümə namazı üçün azan səsgücləndirici ilə minarədən oxundu.
Din xadimi Mustafa Akkaya tərəfindən ilk dəfə oxunan azan müsəlmanlar ilə yanaşı almanlar tərəfindən də maraqla qarşılanıb.
DİTİB Vuppertal məscidi dərnəyinin sədri Ersin Özcan, bölgədə yaşayan müsəlman dərnəklərin ortaq təşəbbüsü ilə şəhər rəhbərliyindən izn aldıqlarını və ramazan ayı boyu cümə günləri azanın səsgücləndirici ilə oxunacağını deyib.
Xatırladaq ki, pandemiya başladığı zaman ətrafda yaşayan müsəlmanların əhval-ruhiyyəsinin yaxşı olmağı üçün şəhər rəhbərliyi keçən il ramazan ayı boyu axşam azanlarının səsgücləndirici ilə oxunmağına izn vermişdi.
