İngiltərə hökuməti, 2015-ci ildə terroru leqallaşdırmaq və fanatizmə meylli olmaqda ittiham etdiyi moizəçi Dr. Salman Butdan üzr istəyib.
Yerli “The Guardian” qəzetinin xəbərinə görə, islam21c.com saytının redaktoru olan But, 2015-ci ildə baş nazirliyin yaydığı bəyanatda adının fanatiklər siyahısında olmağına və terroru leqallaşdıran şəxs kimi göstərilməyinə görə məhkəməyə müraciət edib.
İngiltərə hökuməti əvvəllər yaydığı bəyanatı müdafiə etsə də, Butun məhkəmədə qalib gəlməsindən sonra onun adını siyahıdan çıxarmağı, həmçinin təzminat və məhkəmə xərclərini ödəməyi qəbul edib.
İngiltərinin daxili işlər naziri Priti Patel hökumət adından Dr. Salman Butdan üzr istəyib. Patelin hüquq müşaviri Eydan Ertli isə hökumətin iddiaçıya qarşı səhv addım atdığını qəbul etdiyini, onun bütün zərərlərinin qarşlanacağını deyib. Ertli həmçinin prosesin belə uzun sürməsinə görə təəssüf etdiyini bildirib.
Məhkəmə prosesi başa çatdıqdan sonra universitet tələbələrinin və digər müsəlman moizəçilərin adı bəyanatdan çıxarılıb.
