Səudiyyə Ərəbistanının Mədinə şəhərindəki Məscidi-Nəbəvinin (peyğəmbər məscidi) ətrafındakı namaz qılınan bölmələrə yeni mikroçipli xalçalar sərilib.
Məlumata görə, məscidin ətrafındakı namaz qılınan yerlərə indilik 12 min ədəd yeni texnologiya ilə istehsal edilmiş xalça sərilib.
Səudiyyə Ərəbistanı ibadət edənlərin rahatlığını nəzərə alaraq bu xalçaları öz imkanı ilə istehsal edib. Olduqca yumşaq olan xalça namaz qılanlarla yanaşı məscid əməkdaşlarının da işlərini asanlaşdıracaq. Çünki bu xalçalar yuyulduqdan sonra üzərində su saxlamır.
Yeni xalçalarda təchiz edilən mikroçip xalçanın vəziyyəti, yuyulma müddəti və s. barədə məlumatları mərkəzə ötürəcək.
Yeni xalçalardan 20 min ədəd daha istehsal edilərək təvil veriləcək.
