Kanadanın Toronto şəhərində təravih namazından çıxan müsəlmanlara naməlum avtomobildən atəş edilib.
Bu barədə məlumat verən yerli polis Deyvid Ridzik, hadisənin Skarburq bölgəsində “Əbubəkir-Sıddıq” məscidində yerli vaxtla saat 01.00 radələrində baş verdiyini deyib.
Hadisə nəticəsində 5 nəfərin müxtəlif dərəcəli yaralandığı bildirilib. Polis, həyatı üçün təhlükə olmayan üç yaralının evə buraıldığını, iki nəfərin müalicəsinin xəstəxanada davam etdiyini qeyd edib.
Yerli müsəlman icmasının üzvləri isə hücumçu şəxslərin təcili tapılmasını və saxlanılaraq istintaqa təhvil verilməsini tələb edib.
