Türkiyədə uğursuz dövlət çevrilişinin il dönümündə, Demokratiya və Milli Birlik günündə 251 şəhid üçün 251 Quran xətmi oxunacaq.
İslamveirfan.com xəbər verir ki, bu barədə Türkiyə Vəqflər idarəsi bəyanat yayıb. Bəyanatda bildirilir ki, 82 vilayətdəki məscidlərdə 15 iyul 2016-cı ildə dünyasını dəyişən şəhidlər üçün 251 din xadimi tərəfindən 251 mövlud oxunacaq. Həmçinin 2 min 520 şagirdin iştirakı ilə Qurani-Kərim 251 dəfə başdan sona qədər xətm ediləcək.
Bəyanatda, bəzi vilayətlərdəki məscidlərdə şəhidlərin ruhu üçün ehsan süfrələrinin açılacağı qeyd edilib.
