Türkiyənin cənub-şərq bölgəsindəki Diyarbakır vilayətində polislərin xəsarət alması ilə nəticələnən terror hücumu baş verib.
Yerli mətbuatın xəbərinə görə, xidməti polis avtomobili Diyarbakır-Mardin magistral şosesində gözləyərkən yaxınılıqda olan başqa bir maşın uzaqdan idarə ilə partladılıb.
Terror hadisəsi nəticəsində 8 polis əməkdaşı müxtəlif dərəcəli bədən xəsarəti alaraq xəstəxanaya çatdırılıb.
Teraktı törətməkdə şübhəli bilinən 5 nəfərin saxlanılaraq dindirildiyi qeyd edilib. Faktla bağlı təhqiqatlar davam edir.
