Fransanın Lyon 3 Universitetinin müəllimi müsəlmanlara qarşı, irqçi və cinsiyyətçi ifadələr işlətdiyinə görə bir il müddətinə işdən uzaqlaşdırılıb.
Bu barədə “Avropada İslamofobiyaya Qarşı Birliyi”n (CCIE) X hesabında məlumat yayılıb. Açıqlamaya görə, Lyon 3 Universitetinin hüquq professoru “Afrikalı bir müsəlman heç vaxt bəyaz katolik kimi Fransaya inteqrasiya edə bilməyəcək.” – deyib.
Fakültənin professor-müəllim heyətinin və tələbələrin kəskin reaksiyasına səbəb olan bu vəziyyət universitetin nizam-intizam şurasına göndərilib.
İntizam şurası hüquq professorunun müsəlmanlara qarşı, irqçi və cinsiyyətçi ifadələrinə görə bir il müddətinə vəzifəsindən uzaqlaşdırılmasına qərar verib.
