ABŞ Harvard universiteti Hüquq fakultəsi tərəfindən nəşr edilən ölkənin ən populyar hüquq dərgisi “Law Review”in rəhbərliyinə ilk dəfə müsəlman təyin edilib.
Bu təyinatla 134 illik dərginin direktoru 26 yaşlı müsəlman Hassan Shahavi oldu.
Misir əslli ailənin övladı olan Shahavi, bu vəzifəyə təyin edilməsinin hüquq fakultəsinin müxtəflifliyə verdiyi əhəmiyyəti və hüquq ənənələrinə hörməti göstərməsi baxımından önəmli olduğunu deyib.
2016-cı ildə “Yaxın Şərq tarixi və fəaliyyətləri” tədqiqatları üzrə Harvarddan məzun olan Shahavi Oxford universitetində də “Şərq və İslam Hüququ”ndan dokronatını tamamlayıb.
Hazırda Shahavi “Qaçqın əhali və ABŞ cinayət məcəlləsində islahatlar” sahəsində araşdırmalarını davam etdirir.
Qeyd edək ki, ABŞ-ın sabiq prezidenti Barak Obama da 1990-cı ildə həmin dərginin ilk zənci direktoru olmuşdu.
