Amerika Birləşmiş Ştatları (ABŞ) Nyu Cersi əyalətində məscidin qarşısında silahlı hücuma məruz qalan müsəlman din xadimi vəfat edib.
Məlumata görə, hadisə əyalətin Nyuark şəhərindəki “Masjid Muhammad-Newark” məbədinin qarşısında yerli vaxtla səhər saat 06.00-da baş verib.
Silahlı hücum nəticəsində ağır yaralanan din xadimi Həsən Şərif çatdırıldığı xəstəxanada dünyasını dəyişib.
Əyalətin baş prokuroru Metyu Platkin hadisə barədə təhqiqatın davam etdiyini, hadisənin nifrət cinayəti olduğuna dair məlumat əldə edə bilmədiklərini deyib.
