Efiopiya paytaxtında Afrika İttifaqının sammiti öz işinə başlayıb.
“Rosbalt”ın məlumatına görə, quruma rəhbərlik Misir prezidenti Abdel Fəttah as-Sisiyə həvalə edilib.
O, bir il Afrika İttifaqının prezidenti vəzifəsini icra edəcək.
Gələn il bu postda Abdel Fəttah as-Sisini əvəz edəcək şəxs də artıq məlum olub. Sammitin qərarına əsasən, 2020-ci ildə qurum prezidentinin səlahiyyətləri Cənubi Afrika Respublikasının lideri Siril Ramafosa keçəcək.
Sammitdə qaçqınların problemləri, Afrikanın 2063-cü ilədək inkişafının strategiyası, habelə regional inteqrasiya və inkişaf layihələri müzakirə olunur.
