Bir gün Peyğəmbər (s.ə.s) yanında olan Əbu Zərə (r.a) belə bir sual verdi:
-Allahın ən çox xoşuna gələn sözün nə olduğunu sənə deyimmi?
-O, da sevincli bir halda de, ey Allahın Rəsulu de dedi:
–Allahın ən çox xoşuna gələn sözün “subhanallahi və bihamdihi” (Allaha həmd edərək onu nöqsanlardan tənzih edirəm) olduğunu dedi. (Müslim, Zikr, 85)
Zikrlərin ən üstünü şübhəsiz, Allahın kəlamı olan Qurani-Kərimdir. Quran oxumaq oxumaq insana savab qazandırır. Üstəlik mənasını anlayaraq oxumaq daha çox savabdır. Hədislərdə keçən zikrləri Peyğəmbərə (s.ə.s) Allah-Təalanın öyrətdiyindən şübhə yoxdur. Yuxarıda qeyd edilən zikrin bu qədər önəmli olduğunu nəzərə alaraq onu Quranla müqayisə etmək doğru deyil. İnsanın hər zaman Quran oxumağa fürsəti olmaya bilər. Ancaq fürsət tapdıqca Rəsullahın (s.ə.s) bizə öyrətdiyi zikrləri təkrar etmək bizim üçün xeyirlidir.
