Almaniyanın Şimali Reyn-Vestfaliya əyalətinin Boxum, Kastrol-Rauksel və Reklinqhauzen şəhərlərindəki məscidlər hücuma məruz qalıb.
Məlumata görə, Diyanet İşləri Türk İslam Birliyinə (DİTİB) bağlı məscidlərə, içində təhdid ünsürlərinin olduğu bağlamalar göndərilib.
Poçt vasitəsilə müxtəlif tarixlərdə göndərilən bağlamaların içindən türkcə və almanca təhdid və təhqirlərin olduğu məktub, Quran səhifələri, donuz əti və peyini çıxıb.
Yerli hüquq-mühafizə orqanları hadisə barədə və bağlamaları göndərənlər barədə təhqiqata başlayıb.
