Hollandiyanın Haaqa şəhərində müsəlmanlar Qurani-Kərimə edilən hücumlara etiraz ediblər. Müxtəlif İslam təşkilatlarının təşkil etdiyi etiraz aksiyasına çoxlu sayda müsəlman qatılıb.
Maliveld meydanına toplaşan etirazçılar “Quran bizə yol göstərmək üçün nur verir, od Günəşi yandıra bilməz”, “Mən Quranı sevirəm” və Qurani-Kərim yazılan lövhələri daşıyaraq Danimarka və İsveç səfirliklərinə doğru addımlayıblar.
“Kitabımızı və ayələrimizi yandırmağı dayandırın.” və “Danimarka və İsveç hökumətinə ayıb olsun!” Şüarlar səsləndirən nümayişçilər Qurandan ayələr oxuyub, təkbir və salavat gətiriblər.
Son vaxtlar İsveç, Danimarka və Hollandiyada Qurani-Kərimə qarşı hücumlar intensivləşsə də, bu təxribatlara yol verilməsi reaksiya ilə qarşılanır.
Danimarkalı ifrat sağçı siyasətçi və İstiqamət Partiyasının lideri Rasmus Paludan 2022-ci ildə Pasxa bayramları zamanı İsveçin Malmö, Norköpin və Yönköpinq şəhərlərində və paytaxt Stokholmda Qurani-Kərimin yandırılması təxribatlarını davam etdirib.
Paludan yanvarın 21-də Türkiyənin Stokholmdakı səfirliyi, yanvarın 27-də isə Türkiyənin Kopenhagendəki səfirliyi qarşısında Quranı yandırıb.
Hollandiyada Qərbin İslamlaşmasına Qarşı Vətənpərvər Avropalılar (PEGIDA) hərəkatının lideri Edvin Vaqensveld yanvarın 22-də Haaqa şəhərində polisin himayəsi altında və fevralın 13-də Utrext şəhərində tək başına keçirdiyi nümayişdə Qurani-Kərimi cırıb.
Avqustun 18-də Vaqensveld Türkiyənin Haaqadakı səfirliyinin qarşısında Quranı cırıb.
Yenə Stokholmda Salvan Momika Qurban bayramının ilk gününə təsadüf edən 28 iyunda Stokholm məscidinin qarşısında polisin mühafizəsi altında Quranı yandırıb.
Momika iyulun 20-də Stokholmdakı İraq səfirliyi qarşısında, iyulun 31-də və 14-də isə İsveç parlamentinin qarşısında polisin himayəsi altında Quranı və İraq bayrağını tapdalayıb.
İran əsilli Bəhrami Mərcan avqustun 3-də Stokholmun Angbybadet çimərliyində polisin himayəsi altında Quranı yandırıb.
Momika yenidən polisin himayəsi altında Stokholmdakı İran səfirliyi qarşısında Qurani-Kərimə hücum edib.
