Hollandiyada ictimai nəqliyyat dayanacağındakı bilbordda yazılmış Quran ayəsi ilə ölkədə covid-19 virusuna qarşı mübarizə aparan həkimlərə təşəkkür edilib. Bu addımı, Türkiyənin Milli görüş təşkilatına bağlı fəaliyyət göstərən “Amersfoort Rahman” məscidinin rəhbərliyi atıb.

Meander xəstəxanasının qarşısındakı dayanacaqda ingilis və holland dillərində, “…Kim də bir insanı ölümdən xilas edərsə, sanki bütün insanları xilas etmiş hesab olunar…”  (Maidə-32) ayəsi yazılıb. Bundan başqa həmin afişada, “Təşəkkürlər səhiyyə işçiləri!” – sözləri də qeyd edilib.    

Məscidin rəhbəri Ramazan Yıldız, afişada hər hansı bir imza və ya loqodan istifadə etmədiklərini, məqsədlərinin Allahın Kəlamını əsas plana çıxarmaq olduğunu bildirib.