Nüfuzlu beynəlxalq qurumlardan biri olan İslam Əməkdaşlıq Təşkilatı (İƏT) Ukraynada baş verən hadisələrə görə narahat olduğunu bəyan edib.
İslamveirfan.com xəbər verir ki, bu barədə qurumun sosial şəbəkədəki rəsmi səhifəsində məlumat yayılıb.
İƏT tərəfləri, böhranı sülh yolu ilə həlli istiqamətində işləməyə dəvət edib.
“#İƏT Baş Katibliyi #Ukraynadakı vəziyyətin inkişafını narahatlıqla izləyir. O, aidiyyəti tərəfləri böhranın sülh yolu ilə həlli istiqamətində işləməyə və bununla da onun təhlükəsizlik və #humanitar nəticələrinin qarşısını almağa çağırır.” – deyə təşkilatın bəyanatında bildirilir.
