Pakistanın baş naziri İmran Xan, Həzrəti Muhammədə (ﷺ) dəstək verən Rusiya federasiyasının prezidenti Vladimir Putinə təşəkkür edib.
İmran Xan sosial şəbəkədəki şəxsi səhifəsində Putinin “Həzrəti Muhammədi (ﷺ) təhqir etmək yaradıcılıq azadlığı deyildir” sözlərini məmnuniyyətlə qarşıladığını bildirib.
“Rusiya federasiyasının prezidenti Vladimir Putinin, Həzrəti Muhammədi (ﷺ) təhqir etməyin fikir azadlığı olmaması barədə fikirlərimi təsdiq edən sözlərini məmnuniyyətlə qarşılayıram.” – deyə İnran Xan tviter səhifəsində qeyd edib.
Xatırladaq ki, Rusiya federasiyasının prezidenti Vladimir Putin bir gün əvvəl jurnalistlərlə görüşündə, Həzrəti Muhammədi (ﷺ) təhqir etmənin yaradıcılıq azadlığı olmadığını demişdi.
