İngiltərənin paytaxtı Londonun Enfild rayonunun bələdiyyə sədrinin təqdimat mərasimində Qurani-Kərim oxunub.
Türkiyə əslli bələdiyyə sədri Sabri Özaydının təqdimat mərasimi hafiz Murat Kiçikin Quran tilavətindən sonra dualarla davam edib.
Özaydın çıxışında rayon sakinlərinə xidmət göstərəcəyinə söz verib.
“Enfild rayon sakinlərinə biliyim, coşğum, şəfqətim və cəmiyyətə sədaqətimlə ən yaxşı xidməti göstərəcəyimə söz verirəm. Cəmiyyətimizin bir həqiqəti olan müxtəliflikləri zənginlik kimi görərək rayonumuza xidmət etməyə davam edəcəyəm. Enfild rayonunda yaşamaqla fəxr edirəm.” – deyə Özaydın vurğulayıb.
Qeyd edək ki, əslən Türkiyənin Kahramanmaraş vilayətindən olan Sabri Özaydın, türklərin kompakt yaşadığı Enfilddə ikinci dəfədir bələdiyyə sədri seçilir.
