Bu gün İstanbulda Türk Dövlətləri Təşkilatının (TDT) İqtisadi Əməkdaşlıq İşçi Qrupunun 14-cü Toplantısı başlayıb.
“Report”un Türkiyə Bürosu xəbər verir ki, TDT-nin İqtisadiyyat və ticarətdən məsul nazirləri, nazir müavinləri və digər vəzifəli şəxslər, eləcə də türk dövlətlərindən olan ekspertlər toplantının gündəmində duran məsələləri müzakirə edəcəklər.
Tədbirdə Azərbaycanın iqtisadiyyat nazirinin müavini Elnur Əliyev də iştirak edir.
Müzakirələrdən sonra bəyanat imzalanacaq.
