İsveçin paytaxtı Stokholmda Qurani-Kərim növbəti dəfə təhqir edilib.
İran əsilli 47 yaşlı Bəhrami Mərcan Stokholmun Bromma bölgəsindəki Angbybadet çimərliyində polisin himayəsi altında Quran nüsxəsini yandırıb.
Quran nüsxəsini yandıran qadın, bütün dinlərin məhv edilməsinin lazım olduğunu ifadə edib.
Mərcan manqalda Quran yandırarkən, polis ərazidə təhlükəsizlik tədbirləri görüb.
İSVEÇDƏ QURANA HÜCUMLAR
Danimarkalı ifrat sağçı siyasətçi və İstiqamət Partiyasının lideri Rasmus Paludan 2022-ci ildə Pasxa bayramları zamanı İsveçin Malmö, Norköpin, Yönköpinq şəhərlərində və paytaxt Stokholmda Qurani-Kərimin yandırılması təxribatlarını törədib.
Paludan yanvarın 21-də Türkiyənin Stokholm səfirliyi qarşısında Quranı yandırıb.
İraq əsilli Salvan Momika Qurban bayramının ilk gününə təsadüf edən iyunun 28-də Stokholm məscidinin qarşısında polisin himayəsi altında Quranı yandırıb.
Momika iyulun 20-də Stokholmdakı İraq səfirliyi qarşısında, iyulun 31-də isə İsveç parlamentinin qarşısında polisin mühafizəsi altında Quranı və İraq bayrağını tapdalayıb.
