Səudiyyə Ərəbistanı krallığı, ümrəyə gələn zəvvarların təhlükəsizliyini qorumaq üçün Məscidi-Haramda ilk dəfə qadınları vəzifələndirib.
Bu barədə Səudiyyə Ərəbistanında fəaliyyət göstərən “Əl-Ərəbiyyə” telekanalına aid social şəbəkə səhifəsində məlumat paylaşılıb.
Məlumatda bildirilir ki, Məscidi-Haramda 80 qadın digər təhlükəsizlik xidmətinin əməkdaşları ilə birlikdə zəvvarların təhlükəsizliyini təmin edəcək. Xəbərdə qadın əməkdaşların bu iş üçün hərbi təlimlər keçdiyi də qeyd edilib.
Qadın əməkdaşlardan Qayda Bəkr, vəzifələrinin qadın zəvvarlara kömək etmək və izdihamı istiqamətləndirmək olduğunu deyib.
