Koronavirusla mübarizə tədbirlərinin gücləndirildiyi Səudiyyə Ərəbistanı krallığında yeni yasaq qərarı qüvvəyə minib. İslamveirfan.com Türkiyə mətbuatına istinadən xəbər verir ki, ölkə kralı Salman bin Abduləzizin qərarı ilə Məkkə, Mədinə və Riyad şəhərlərində əhalinin evdən çıxması qadağan edilib.

Daha əvvəl isə krallıq rəsmiləri Məscidi-Haram və Məscidi-Nəbəvi ziyarətlərini qadağan etmişdi.

Qeyd edək ki, Səudiyyə Ərəbistanında 133 nəfəri yeni olmaqla 900 nəfər covid-19 virusuna yoluxub, onlardan 1 nəfər dünyasını dəyişib.