Türkiyənin Nevşehir şəhərindəki məscidlərdən birində qəribə hadisə baş verib. Yeni məhəllədəki “Fatma Hatun” məscidinin imam-xətibi zöhr namazı üçün məscidə grdəndə, elektrik razetkasının yanındakı kitab şkafında 20 lirə (təqribən 5 azn) pul və qeyd kağızı tapıb.
Kağızda bu sözlər yazılıb: “Hocam, 5 ilə 15 dəqiqə elektrikdən istifadə etdim. Haqqınızı halal edin. Tələbəyəm, üstümdə çox pul yox idi.”
Məscidin imam-xətibi Harun Yalçın bu qeydi social şəbəkədə paylaşıb və tələbənin bu hərəkəti təqdirlə qarşılanıb. Onun, mobil telefonunu qidalandırmaq üçün elektrikdən istifadə etdiyi güman olunur.
