Məscidi-Nəbəvi bazar günündən mərhələli olaraq kütləvi ibadətə açılacaq. Bu barədə Səudiyyə Ərəbistanı Harameyin İşləri üzrə Dövlət Komitəsi açıqlama yayıb. Açıqlamada bildirilir ki, ölkə rəsmiləri Məscidi-Nəbəvinin mərhələli açılması tələbini müsbət qarşılayıb.
Həmçinin Məscidi-Haram və Məscidi-Nəbəvinin sədri, Kəbənin imamı Şeyx Abdurrahman əs-Sudeysin, lazımi tədbirlər görüldükdən sonra Məscidi-Nəbəvinin açılacağını bəyan etdiyi qeyd edilib.
Həcc və Ümrə Nazirliyi isə kovid-19 pandemiyası səbəbindən ümrə və Məscidi-Haram ziyarətl qdağasının hələ bir müddət də davam edəcəyini bildirmişdi.
Qeyd edək ki, Məscidi-Haram və Məscidi-Nəbəvidə bu yerlərin əməkdaşlarının iştirakı ilə günlük ibadətlər yerinə yetirilir.
Xatırladaq ki, Səudiyyə Ərəbistanında 81 766 nəfər kovid-19 virusuna yoluxub, 458 nəfər bu səbəbdən dünyasını dəyişib.
