Türkiyə Şanlıurfa vilayətinin Eyyubiyə rayonunun Sarayönü küçəsində asılan lövhə insanların diqqətini cəlb edir.
“Bağışlayacağını düşünürəm, istəsən gəl danış” yazılı lövhə asan “Yusuf Paşa” məscidinin İmamı Bahri Çiftçi bəzi gənclərin bu üsul sayəsində məscidə gəldiyini bildirib.
Bahri Çiftçi lövhə ideyasını sosial mediada gördüklərini ifadə edərək, “İnsanları məscidə cəlb etmək üçün bu lövhəni asdıq. Xüsusilə gəncləri həvəsləndirmək istədik. Sosial mediada bu cür praktikanı gördük və həyata keçirməyə qərar verdik.” – deyib.
