Türkiyə “Fenerbahçe” klubunun ulduz futbolçusu Mesut Özil ötən gün sosial şəbəkədəki şəxsi səhifəsində cümə günü münasibəti ilə paylaşım edib.
Özil, “İslamın miliyyəti, coğrafi mövqeyi və etnik mənşəyi yoxdur. Allah qəlblərimizə baxar. Bütün müsəlman qardaşlarımızın cümə günü mübarək olsun.” qeydi ilə məscid önündə dua edən fotosunu paylaşıb.
Mesut Özilin bu paylaşımı ilə jurnalist Fatih Altaylıya cavab verdiyi bildirilir.
Qeyd edək ki, Fatih Altaylı, Özilin cümə mesajlarında Türkiyədən bir məscid fotosu paylaşmamasını tənqid etmişdi.
