Türkiyədə müəzzin zöhr namazı üçün məsciddə qamət oxuyanda dünyasını dəyişib. Hadisə Bursa vilayəti Nilüfer rayonunun İhsaniyə məhəlləsindəki mərkəzi məsciddə baş verib.
Məlumata görə zöhr namazı üçün qamət oxumağa hazırlaşan 51 yaşlı Nazmi Aydının qəfildən halı pisləşib. Yerə yıxılan Aydına ilk müdaxiləni məsciddə olan möminlər göstərib. Hadisə yerinə dərhal təcili yardım çağırılıb və müəzzin xəstəxanaya çatdırılıb. Xəstəxanada göstərilən bütün müdaxilələrə bxmayaraq Nazmi Aydının həyatını xilas etmək mümkün olmayıb.
10 ildir mərkəzi məsciddə müəzzin olan Aydının infarktdan öldüyü bildirilib. Ailəli olan müəzzinin iki övladı qalıb.
