ABŞ-ın böyük şəhərlərindən olan Nyu-Yorkun bələdiyyə başçısı Erik Adams, şəhərdəki müsəlman icmasının nümayəndələrinə iftar ziyafəti verib.
Erik Adams iftar ziyafətini əks etdirən fotoları, “Ramazanınız mübarək olsun. İftarımızda iştirak edən şəhərimizin müsəlman icmasına təşəkkür edirəm.” – qeydi ilə sosial şəbəkədə paylaşıb.
Nyu-Yorkun Mənhətten bölgəsindəki “Surrogate’s” binasında təşkil edilən iftar ziyafətində müsəlman ölkələrin diplomatik nümayəndələri də iştirak ediblər.
Qeyd edək ki, aprelin 14-də olması planlaşdırılan iftar ziyafəti, bələdiyyə başçısı Erik Adamsın kovid-19 xəstəliyinə yoluxması səbəbilə təxirə salınmışdı.
