“Ramazan ayında bütün ölkədə kütləvi iftar və sahur (obaş) kimi tədbirlər baş tutmayacaq”.
Bunu Türkiyənin prezidenti Rəcəb Tayyib Ərdoğan ötən gün keçirilən Nazirlər Kabinetinin iclasından sonra açıqlamasında bildirib.
Ölkə başçısı qlobal pandemiya səbəbindən tədbirlərin davam edəcəyini açıqlayıb.
“Ramazan ayında bütün ölkədə kütləvi iftar və sahur (obaş) kimi tədbirlər baş tutmayacaq. Bu mübarək ay müddətində bütün ölkədə həftə sonları insanların bayıra çıxması məhdudlaşdırılacaq. Sadəcə ramazan ayında bütün Türkiyədə restoran və kafe kimi iş yerlərinin xidməti paket servisi ilə məhdudlaşdırılacaq.” – deyə prezident Ərdoğan bildirib.
