Səudiyyə Ərəbistanı Krallığı ümrə zəvvarlarının səhhətini qorumaq məqsədilə ölkəyə giriş qaydalarının dəyişildiyini açıqlayıb.
Bu barədə krallığın Həcc və Ümrə Nazirliyi yazılı bəyanat yayıb. Bəyanatda bildirilir ki, ümrə və ya ziyarət məqsədilə ölkəyə girənlərdən son 48 saatda götürülmüş PCR və ya antigen testi tələb olunacaq. Bu qaydalar 2022-ci il fevral ayının 9-da qüvvəyə minəcək.
Qeyd edək ki, Səudiyyə Ərəbistanı daha əvvəl yaydığı bəyanatda, 2021-ci il oktyabr ayının 10-dan etibarən sadəcə 2 doza COVİD-19 peyvəndi olanlara ümrə ziyarəti üçün izn veriləcəyini açıqlamışdı.
