Sloveniyanın paytaxtı Lyubliyanada tikilən və ölkənin yeganə minarəli məbədi olan “Lyubliyana məscidi” iyun ayında möminlərin istifadəsinə veriləcək. İslamveirfan.com xəbər verir ki, bu barədə Sloveniya İslam Birliyi təşkilatının sədri Nevzet Poriç məlumat yayıb.
“Hər şey başa çatmaq üzrədir. Məscidi istifadəyə verə bilərik. 50 il bu məscidin açılmasını gözlədik və nəhayət ona qovuşduğumuz üçün özümüzü xoşbəxt hiss edirik.” – deyə təşkilatın sədri bildirib.
Qeyd edək ki, Kəbənin quruluşundan ilham alınaraq kvadrat şəklində tikilən və 40 metr hündürlüyündə minarəsi olan “Lyubliyana məscidi”nin inşaatı 2013-cü ildə başlayıb.
Təşəbbüskarlar bu ölkədə məscid tikilməsi üçün ilk addımı 1969-cu ildə atsalar da heç bir nəticə əldə edə bilməmişdilər.
1 400 nəfərin eyni anda ibadət edə biləcəyi məscid təxminən 34 milyon euroya başa gəlib.
