Türkiyə Kocaeli vilayəti Gölcük rayonunun sakini 53 yaşlı Osman Ay 33 ildir fasiləsiz oruc tutur. Osman Ay ilk dəfə 3 aylarda oruca başladığını, özünü yaxşı hiss etdiyi üçün 33 ildir hər gün oruc tutduğunu, sadəcə dini bayramlarda oruclu olmadığını deyib.
“Bu hissi ifadə etmək mümkün deyil. İllərdir oruc tutduğumu eşidən ətrafımdakı insanlar məni təbrik edirlər. Bəzi insanlar da mənə baxıb oruc tutmağa başladı. Həkimlər də oruc tutmağın çox faydalı olduğunu deyirlər. Mən həmişə oruclu olduğum üçün ramazan başlayanda başqalarının da oruclu olduğunu unudub onlara yemək ikram edirəm.” – deyə Osman Ay açıqlamasında bildirib.
