“Can Azərbaycan lehinə mən də söz aldım və müdaxilə etdim”.
Bunu “Report”un ABŞ bürosu açıqlamasında ötən gün Ermənistanın çağırışı ilə toplanan BMT Təhlükəsizlik Şurasının iclası zamanı Azərbaycanın haqlı mövqeyini müdafiə edən Türkiyənin xarici işlər nazirinin müavini Burak Akçapar deyib.
“Ötən gün BMT Təhlükəsizlik Şurasında ard-arda Azərbaycana qarşı çox haqsız ittihamlar irəli sürüldü. Biz də öncə Azərbaycanın xarici işlər naziri Ceyhun Bayramovun çox açıq və faktlara dayanan çıxışını dinlədik. Ondan sonra can Azərbaycan lehinə mən də söz aldım və müdaxilə etdim. Düşünürəm ki, hamıya əslində nələrin doğru olduğunu göstərmiş və söyləmiş olduq”.
