Türkiyədə prezident Rəcəb Tayyib Ərdoğanın rəhbərliyi ilə keçirilən Ədalət və İnkişaf partiyasının xüsusi iclasında karanin rejimində normallaşma prosesi müzakirə edilib. 4 addımdan ibarət normallaşma prosesinin ikinci addımında küçəyə çıxmaq məhdudiyyətinin mərhələli olaraq ləğv edilməsi planlaşdırılır. 65 yaşdan yuxarı vətəndaşlar üçün sərbəst gün sayı çoxaldılacaq. Kafe və restoranlar isə müəyyən məhdudiyyətlərlə xidmətə başlayacaq.
Məscidlərin içində və həyətində cümə namazlarının kütləvi qılınması 12 iyun tarixi üçün planlaşdırılır. Cümə namazı vaxtı sosial məsafənin qorunması və maskadan istifadə etmək məcburi olacaq.
