Türkiyənin Ərzincan şəhərinin İliç rayonunda torpaq sürüşməsi baş verib.
“CNN Türk” xəbər verir ki, hadisə qızıl mədəni ərazisində qeydə alınıb.
Hadisə yerinə xilasedicilər və təcili tibbi yardım əməkdaşları cəlb olunub.
Yerli mətbuat toepaq altında 9 işçinin qaldığını bildirir. Ölən və ya xəsarət alanların olub-olmaması hələ ki məlum deyil.
Türkiyə daxili işlər naziri Əli Yerlikaya sürüşən kütlənin təqribən 10 milyon kubmetr olduğunu, hadisə yerində 827 personalın axtarış-xilasetmə ilə məşğul olduğunu deyib.
