Misirin paytaxtı Qahirə şəhərindəki kilsələrdən birində baş vermiş yanğında yerli müəlmanlardan biri 6 xristianı yanğının cəngindən xilas edib.
Məlumata görə, hadisə Qahirənin qərbindəki Əbu-Sifin kilsəsində bazar günü ayinində baş verib.
Muhamməd Yəhya əbu Mərvan adlı gənc səhər saat 8-də işə getmək üçün evdən çıxanda qonşuluqda olan kilsədə yanğın baş verdiyini görüb. Muhamməd köynəyini çıxardaraq başına bağlayıb və insanları yanğından xilas edib.
5 uşaq, 1 qadın və yaşlı bir kişini yanğından çıxaran Muhamməd bu vaxt ətrafdakı insanlardan da yardım istəyib.
Sonuncu dəfə kilsəyə girən Muhamməd ayağı sürüşərək yıxılıb və ölüm təhlükəsi ilə üzləşib. Xəstəxanaya çatdırılan Muhammədin ayağının sındığı və bədəninin bəzi yerlərində yanıq xəsarətləri olduğu müəyyən edilib. Həkim, Muhammədin vəziyyətinin stabil olduğunu və sınan ayağına görə 2 ay müalicə olunacağını bildirib.
Muhammədin bu hərəkəti rəğbətlə qarşılanıb və ölkədə qəhraman elan edilib.
Misir koptlarının (qibti) lideri yepiskop Tavadros Muhammədə öz təşəkkürünü bildirib. Əl-Əzhər universitetindən bəzi rəsmi şəxslər və kopt icmasının nümayəndələri Muhammədi xəstəxanada ziyarət ediblər.
Xatırladaq ki, ötən bazar günü Qahirədəki Əbu-Sifin kilsəsində yanğın olub və hadisə nəticəsində 41 nəfər ölüb.
