Yaponiyada 50 müsəlmanın eyni anda ibadət edə biləcəyi səyyar məscid təqdim edilib. 2020-ci ildə paytaxt Tokioda keçiriləcək olimpiada və paralimpiya oyunları üçün nəzərdə tutulan məscid indilik hazırlıq mərhələsindədir. Layihənin məqsədi olimpiya oyunlarında iştirak edən müsəlman ziyarətçilərin namazlarını vaxtında qılmalarına yardım etməkdir.
Təşkilat komitəsi səyyar məscidlərin stadion və ya yarışların keçiriləcəyi zallardan çox idmançıların qalacağı yaşayış massivlərində quraşdırılacağını açıqlayıb. 50 nəfərin eyni anda ibadət edə biləcəyi məscidlərin dəstəmazxanası, qibləni müəyyən edən cihazı olacaq və bu mobil məbədlər kondisoner ilə də təchiz ediləcək.
Təqdim edilən mobil məscidlərin maliyyətinin 900 min dollar olduğu açıqlanıb.
Xəbər:Şirəli MƏMMƏDOV
